Cun le lëgn
é le design plü natural.

I adorun ma lëgn de lersc, cier y aidin. I l’adorun cun cosciënza y i le laorun cun la majera cura por fá mebli dal design unich. Te vigni detail vëgnel fora l’amur por chësc material ch’é pert de nos ch’i viun tles munts. Ci che nes dá ispiraziun por nostes idees y por le laur ch’i fajun é la sostenibilité y responsabilité: i orun cherié ogec de valur ch’é en armonia cun la porsona y la natöra.

Na predisposiziun naturala
por la flessibilité

Mebli
de lëgn

Por mirit dles cualités straordinares dl lëgn, cheriunse toc unics che dess doré tl tëmp. Scagns, mëses, banc ergonomics, armá de ciasadafüch, vidrines, armá, lec cun sistem Hüsler por dormí saurí, complemënc: dala stüa ales ciamenes fajunse ogec flessibli, comoc y bi.

Path 51 (2)Icone per G.Maps

En contat cun la natöra

Func, parëis y tafladöres

Cun le lëgn podunse cherié sperses y tafladöres che ti dá al ambiënt n ton nët, cialt, da sté saurí, da palsé. Al é sciöche sce la natöra gniss ite tla lerch olach’an vir por fá sté saurí chi ch’é dailó. Func, parëis, tafladöres s’incunta en armonia cun i atri mebli de lëgn o cheriëia de bi contrasć cun sperses fates de d’atri materiai.

Le lëgn, ci belëza

Ciasesdafüch, stighes y mebli fac sön mosöra

Sön domanda fajunse ciasesdafüch de lëgn che se adatëia bun ala lerch, scëmples y elegantes. Ara se trata de mebli y strotöres che assigurëia la majera stabilité y la majera dorada. Nostes ciasesdafüch de lëgn fej la vita da vigni de plü scëmpla y plü bela y al é saurí da les puzené. I cheriun ince stighes y mebli fac sön mosöra, por che i ambiënc sides bi y da sté saurí.

N AMUR ZËNZA FIN POR LE LËGN
I cheriun
ci che os sëis tl laur da chirí.

Ëise ponsé da arjigné ite la ciasa, da restrotoré l’hotel, da proieté frabicac nüs adoran le lëgn? Ecomo ch’i sun chiló, plëgns de gran pasciun y vëia da fá. Gnide a nes ciafé, i n’odun l’ora da ves conësce.

Contatëiese

Group 117Icone per G.Maps 0471 843320

Cherdése
Scríse

Group 115Icone per G.Maps Zona Artejanala 23,
39030 La Val (BZ)

Mostra sön
Google Maps